Украінскія памежнікі зладзілі паляванне на тэхніку акупантаў

• 12.10.2026, 17:52

Паражаныя гармата, сховішчы і сродкі РЭБ РФ.

Аператары памежнага падраздзялення «Стрыкс» падчас баявых вылетаў нанеслі ўдары па артылерыі, сродках радыёэлектроннай барацьбы і сховішчах расійскіх акупантаў на Паўднёва-Слабажанскім напрамку.

Украінскія памежнікі нанеслі дакладныя ўдары па варожай гармаце, шасці сховішчах, транспартным сродку, двух генератарах і двух сродках РЭБ.

Акрамя таго, аператары паразілі расійскага акупанта, FPV-дрон, дрон-«ждун» і міну праціўніка.

Кадры былі апублікаваныя ў афіцыйным Telegram-канале Дзяржаўнай памежнай службы Украіны.