Іранская дзяўчынка разабрала і сабрала аўтамат за 20 секунд

• 12.10.2026, 19:43

Пераўзышла армейскі нарматыў.

Дзяўчынка прадэманстравала хуткую зборку аўтамата Калашнікава на занятках па ваеннай падрыхтоўцы ў Іране. Кадры апублікавала іранскае інфармагенцтва Tasnim News.

На відэа можна ўбачыць дзяўчынку ў чорнай чадры і фіялетавай хустцы, якая стаіць за сталом са зброяй у атачэнні гледачоў. Яна без цяжкасцяў разабрала аўтамат, а потым сабрала яго. Нарматыў баявой падрыхтоўкі на няпоўную разборку аўтамата Калашнікава складае 15 секунд, а на зборку — 25 секунд. Адзначаецца, што дзяўчынка справілася з усім за 20 секунд.

Кадры былі знятыя на занятках па ваеннай падрыхтоўцы. Гэтая праграма накіраваная на дэманстрацыю гатоўнасці цывільных, у тым ліку жанчын, да магчымай абароны.