Украінскія разведчыкі ўзялі ў палон акупантаў у Данецкай вобласці

• 13.10.2026, 15:41

Байцы «Азова» правялі паспяховую аперацыю ў лясным масіве.

Разведчыкі 4-й баявой групы атрада разведкі спецыяльнага прызначэння «Ultima Ratio» 12-й брыгады спецыяльнага прызначэння «Азова» 1-га корпуса Нацыянальнай гвардыі Украіны правялі баявую аперацыю ў лясным масіве ў Данецкай вобласці.

У ходзе аперацыі ўкраінскія байцы знішчылі частку расійскіх акупантаў і ўзялі ў палон.

Як паведамляе «Цензор.НЕТ», відэазапіс баявых дзеянняў разведчыкаў быў апублікаваны ў сетцы.

Байцы «Азова» выявілі расійскіх вайскоўцаў, якія знаходзіліся на пазіцыях у лясным масіве, і ўступілі з імі ў бой. Паводле інфармацыі аўтараў публікацыі, частка акупантаў была ліквідаваная, а некалькі расійскіх вайскоўцаў здаліся ў палон.

Згодна з апісаннем абнароджаных кадраў, на відэа можна налічыць як мінімум трох расійскіх палонных.