Начное неба ператворыцца ў зорнае шоў

• 13.10.2026, 20:48

Беларусы змогуць назіраць праяўленне метэорнага патоку Арыёнідаў.

У ноч з 21 на 22 кастрычніка 2026 года беларусы змогуць назіраць максімальнае праяўленне метэорнага патоку Арыёнідаў.

Пра гэта паведамляе Space.

Пры спрыяльных умовах надвор'я і ідэальнай бачнасці на небе можна будзе ўбачыць ад 10 да 20 метэораў за гадзіну.

Паводле даных NASA, часціцы метэорнага патоку рухаюцца з хуткасцю прыблізна 66 км/с. Пры добрым надвор'і назіраць Арыёніды могуць жыхары як Паўночнага, так і Паўднёвага паўшар'яў.

Назва гэтага патоку звязаная з сузор'ем Арыёна: з Зямлі здаецца, што метэоры з'яўляюцца менавіта адтуль. Сузор'е размешчана на нябесным экватары і бачна ва ўсіх кутках свету.