Сіноптыкі папярэдзілі беларусаў аб моцным тумане па ўсёй краіне

• 14.10.2026, 8:17

Бачнасць можа зменшыцца да 100 метраў.

Аранжавы ўзровень небяспекі абвясціў Белгідрамет у сераду, 14 кастрычніка.

Паводле даных сіноптыкаў, туманы, што назіраюцца ноччу месцамі па рэспубліцы, распаўсюдзяцца на большую частку тэрыторыі і Мінск і захаваюцца ў першай палове дня. Бачнасць у тумане складае ад 100 да 500 метраў. Будзьце ўважлівыя і асцярожныя.

Фактары небяспекі пры тумане: зніжэнне бачнасці, ускладненне руху транспарту, павелічэнне верагоднасці дарожна-транспартных здарэнняў.

Што да надвор'я, то будзе воблачна з праясненнямі. Пераважна без ападкаў, толькі ўдзень па заходняй палове — невялікія дажджы. Вецер паўднёвы 3–8 м/с. Тэмпература паветра +9… +15°С.