Узброеныя Сілы Украіны ліквідавалі камандаванне расійскай «Чорнай мамбы»

• 14.10.2026, 17:48

Сярод страт акупантаў — камандзіры рот і ўзводаў.

У 3-м армейскім корпусе паведамілі пра чацвёрты этап аперацыі «Вівальдзі», падчас якой 2-гі штурмавы батальён прыняў удзел у вызваленні Наваміхайлаўкі, Кацярынаўкі і Новага (Ліманскі напрамак). Байцам згаданага фарміравання ўдалося ліквідаваць або ўзяць у палон 19 афіцэраў арміі РФ: чатыры камандзіры рот, два намеснікі і 13 камандзіраў узводаў.

Пра гэта паведаміў камандзір 2-га штурмавога батальёна Друг Дацык у відэа, апублікаваным у акаўнце Трэцяга армейскага корпуса ў сацсетцы X.

Паводле слоў афіцэра, падчас баёў за Новае ў якасці падмацавання праціўніку была накіравана рота штурмавога атрада «Чорная мамба» колькасцю 120 чалавек. Падчас сустрэчных баёў большая частка падмацавання была знішчана сіламі Узброеных Сіл Украіны. Адступіць у лясны масіў удалося 32-м выжыўшым, дзе яны і занялі кругавую абарону, утрымаўшыся роўна 7 дзён.

На чацвёрты дзень камандзір «Чорнай мамбы» з пазыўным «Маршал» разам са сваім сувязістам кінулі таварышаў па службе, паспрабаваўшы прарвацца праз акружэнне.

«У іх нічога не атрымалася, трапілі ў засаду і былі ліквідаваныя», — адзначыў Друг Дацык.

Камандзір 2-га штурмавога батальёна таксама прадэманстраваў захоплены сцяг «Чорнай мамбы», які яны мелі ўсталяваць у Новым.