Зяленскі ўпершыню сустрэнецца з Мадзярам

• 14.10.2026, 18:49

Закрытыя перамовы адбудуцца на саміце ЕС у Бруселі.

У Бруселі адбудзецца саміт ЕС, дзе абмяркуюць умацаванне межаў, энергетычны крызіс і бюджэт. Таксама ў пятніцу запланаваныя першыя закрытыя перамовы з прэзідэнтам Украіны Уладзімірам Зяленскім.

Пра гэта паведамляе Charter97.org са спасылкай на заяву прэм’ер-міністра Венгрыі Пэтэра Мадзяра у Facebook.

Пасяджэнне ў Бруселі будзе прысвечана далейшаму ўмацаванню абароны вонкавых межаў Еўропы і вырашэнню энергетычнага крызісу.

Акрамя таго, удзельнікі абмяркуюць ключавы сямігадовы бюджэт ЕС, неабходны для развіцця нашай краіны.

Перад пачаткам саміту адбудзецца сустрэча з прэм’ер-міністрамі Вышэградскай групы. У чацвер палітык возьме ўдзел у каардынацыйнай сустрэчы кіраўнікоў дзяржаў, якую праводзіць італьянскі прэм’ер-міністр.

«У пятніцу раніцай я ўпершыню пачну свае афіцыйныя, закрытыя перамовы з прэзідэнтам Украіны», — адзначыў Пэтэр Мадзяр.

Да вяртання кіраўніка ў пятніцу вечарам працу ўрада будзе каардынаваць намеснік прэм’ер-міністра Балінт Рафф.