Зяленскі: ЗША рызыкуюць апынуцца на няправільным баку гісторыі

• 14.10.2026, 20:26

Прэзідэнт Украіны пракаментаваў апошнія дзеянні адміністрацыі Трампа ў дачыненні да Кіева.

Прэзідэнт Украіны Уладзімір Зяленскі заявіў, што праз пазіцыю ЗША Украіна рызыкуе страціць моцнага партнёра, а амерыканскія ўлады, на яго думку, рызыкуюць апынуцца не на тым баку гісторыі.

Пра гэта ў інтэрв'ю аднаму з самых уплывовых брытанскіх журналістаў Пірсу Моргану заявіў прэзідэнт Украіны Уладзімір Зяленскі.

«Мы страчваем, страчваем моцнага партнёра. Гэта маё меркаванне», — сказаў Зяленскі.

«Вы страчваеце Амерыку?» — удакладніў Морган. — «Так, але не з-за нас», — адказаў прэзідэнт.

Ён падкрэсліў, што Украіна не можа дазволіць сабе быць слабай, бо ад гэтага залежыць яе выжыванне.

«Мы проста не прадаем сваю краіну. Паслухайце, для нас гэта не бізнес. Гэта наша жыццё, наша краіна — гэта наша цела, наш дом, нашы дзеці, і гэта для нас вельмі важна. Менавіта таму гэта так балюча», — сказаў прэзідэнт.

Зяленскі адзначыў, што Украіну задавальняе імкненне амерыканскага прэзідэнта займаць пазіцыю пасярэдзіне, аднак, на яго думку, важна прытрымлівацца яе, а не пераходзіць на няправільны бок.

«Думаю, яго дарадцы памыляюцца. Не ведаю, хто менавіта на яго цісне, але гэта не той бок — гэта няправільны бок гісторыі», — дадаў кіраўнік дзяржавы.