СБУ зрыла план ФСБ

• 14.10.2026, 22:56

Расія хацела атрымаць доступ да 148 Starlink.

Кантрвыведка Службы бяспекі Украіны затрымала ў Кіеве 18‑гадовага агента ФСБ, які спрабаваў актываваць 148 тэрміналаў Starlink для расійскіх вайскоўцаў. Паводле звестак СБУ, абсталяванне планавалі выкарыстоўваць для падрыхтоўкі баявых аперацый у Данецкай і Запарожскай абласцях.

Падазраваным аказаўся былы студэнт сталічнага каледжа, які навучаўся на электразваршчыка. Расійская спецслужба завербавала яго праз Telegram, калі ён шукаў магчымасць хутка зарабіць.

За некалькі дзён малады чалавек зарэгістраваў 15 тэрміналаў Starlink, выкарыстоўваючы пашпартныя даныя сваякоў і знаёмых. Пазней ён падрыхтаваў падстаўныя персанальныя даныя для афармлення яшчэ 133 прылад.

Супрацоўнікі СБУ затрымалі падазраванага каля паштовага аддзялення, дзе ён планаваў актываваць новую партыю тэрміналаў. Раней зарэгістраваныя прылады, звесткі пра якія ён перадаў расійскаму куратару, былі заблакаваныя.

Падчас вобшукаў у затрыманага канфіскавалі некалькі смартфонаў з доказамі супрацоўніцтва з ФСБ.

Starlink забяспечвае спадарожнікавы інтэрнэт, які можа выкарыстоўвацца для сувязі і каардынацыі вайсковых падраздзяленняў. Рэгістрацыя тэрміналаў на падстаўных асоб дазваляе хаваць іх фактычных карыстальнікаў.

Затрыманаму паведамілі пра падазрэнне ў дзяржаўнай зрадзе, учыненай ва ўмовах ваеннага становішча. Ён знаходзіцца пад вартай без права ўнясення закладу. Яму пагражае пажыццёвае зняволенне з канфіскацыяй маёмасці.