Кангрэсмены ЗША заклікалі Трампа «адкрыць» Украіне Starlink

• 22.10.2026, 21:10

Зварот падпісалі прадстаўнікі дзвюх партый.

23 кангрэсмены ЗША напісалі ліст прэзідэнту ЗША Дональду Трампу. Яны просяць яго паўплываць на Ілона Маска, каб даць Украіне поўны доступ да спадарожнікавых сістэм Starlink.

Пра гэта паведамляе The Hill са спасылкай на ліст кангрэсменаў.

Група з 23 членаў Палаты прадстаўнікоў абедзвюх партый заклікае прэзідэнта Трампа звярнуцца да Ілона Маска. Ідзе гаворка пра наданне Украіне доступу да хуткаснай сувязі Starlink для ўдараў па расійскіх мэтах.

Сярод падпісантаў было сямёра рэспубліканцаў Палаты прадстаўнікоў разам з 16 дэмакратамі, піша выданне.

«Мы звяртаемся да вас з заклікам папрасіць Ілона Маска дазволіць Украіне выкарыстоўваць спадарожнікавую інтэрнэт-сістэму Starlink для пошуку ракетных пускавых установак на тэрыторыі Расіі», — пішуць заканадаўцы.

Яны лічаць, што гэтае рашэнне таксама «выратуе жыцці і дасць Уладзіміру Путіну больш стымулаў для перамоваў».

Кангрэсмены падкрэслілі: калі Украіна не можа надзейна перахопліваць расійскія «стралы», яна павінна страляць у «лучніка». Менавіта такую магчымасць дае сістэма Starlink.

Хто падпісаў ліст

Сярод падпісантаў ад Рэспубліканскай партыі ёсць адданыя прыхільнікі Украіны:

Джо Ўілсан (Паўднёвая Караліна),

Браян Фіцпатрык (Пенсільванія),

Дон Бэйкан (Небраска),

Карлас Хіменес (Фларыда),

Джэф Херд (Каларада),

Эндзі Гаррыс (Мэрыленд),

Макс Мілер (Агаё).

«Спадар Прэзідэнт, мы ўсе падзяляем мэту пакласці канец вайне ва Украіне і разбуральным стратам жыццяў, якія яна прынесла. На жаль, Пуцін пакуль не збіраецца спыняць кровапраліцце», — напісалі заканадаўцы.

Ліст, падпісаны прадстаўнікамі абедзвюх партый, з'явіўся на тле таго, што ўсё больш рэспубліканцаў выказалі абурэнне збоямі ў працы Starlink — і яго вайсковай версіі Starshield — ва Украіне. Гэта перашкаджае выкананню місій СПА і наступальных задач.