Трамп хацеў перайменаваць Атлантычны акіян на картах Google, але атрымаў адмову

• 23.10.2026, 8:05

Апублікавана размова прэзідэнта ЗША з гендырэктарам кампаніі.

Прэзідэнт ЗША Дональд Трамп папрасіў гендырэктара Google Сундара Пічаі перайменаваць Атлантычны акіян на картах у свой гонар або ў гонар Амерыкі. Кампанія адмовілася.

Пра гэта паведамляе The Guardian са спасылкай на выступ Трампа на мітынгу ў Паўднёвай Караліне.

Як Трамп выбіраў акіян

«Мне падабаюцца толькі два акіяны: Атлантычны і Ціхі. Я не буду ставіць ні «Трамп», ні «Амерыка» ні на адным іншым акіяне, акрамя гэтых двух. Таму мы сур'ёзна прыгледзеліся да Атлантычнага», — распавёў Трамп.

Па яго словах, ён патэлефанаваў Пічаі і спытаў, ці зможа кампанія «спраўіцца» з такой прапановай.

Адказ Google

Як распавёў Трамп, Пічаі адмовіў: «Не-не-не. На гэты раз я гэтага не буду рабіць... Акіяны — гэта іншае, сэр. Яны абмываюць многія краіны. Калі ласка, не прасіце нас пра гэта».

«Дык я, напэўна, адмовлюся. Адмовіцца? Думаю, няхай застаецца Атлантычны акіян», — падсумаваў прэзідэнт ЗША.

The Guardian звярнулася да Google па каментар.

Пра перайменаванне акіянаў Трамп загаварыў яшчэ напрыканцы жніўня, калі падпісваў указ аб возеры Антарыа. «У нас ёсць заліў, ёсць возера, цяпер патрэбны акіян», — тлумачыў ён тады, замахнуўшыся на Атлантычны або Ціхі.

Перайменаванне возера, якое раздзяляе ЗША і Канаду, ў Атаве ўспрынялі балюча. Прэм’ер Канады Марк Карні адказаў Трампу напамінам пра гістарычны кантэкст гэтай назвы.

Аб’екты ў гонар самога Трампа таксама з’яўляюцца. У студзені ў Фларыдзе частку Паўднёвага бульвара, што вядзе ад аэрапорта Палм-Біч да яго рэзідэнцыі Мар-а-Лаго, назвалі імем прэзідэнта ЗША.