В Украіны з'явілася моцная падтрымка з боку трох новых краін

• 23.10.2026, 8:51

Сёння адбудзецца сустрэча міністраў замежных спраў у Стамбуле.

У пятніцу, 22 кастрычніка, у Стамбуле адбудзецца сустрэча міністраў замежных спраў Турцыі, Вялікабрытаніі, Германіі, Францыі, Егіпта, Пакістана і Саудаўскай Аравіі, якія абмяркуюць шэраг важных пытанняў, у тым ліку спыненне вайны Расіі супраць Украіны. Пра гэта піша выданне Anadolu.

Паводле дадзеных Anadolu, упершыню прадстаўнікі вышэйзгаданых дзяржаў збяруцца ў такім фармаце. Раней Саудаўская Аравія, Егіпет і Пакістан непасрэдна ў перамовах, падчас якіх шукалі шляхі спынення ўкраінска-расійскай вайны, не ўдзельнічалі, хоць гэтыя дзяржавы і аказваюць Украіне рознастайную дапамогу.

У Стамбуле міністры замежных спраў краін фармату R4+E3 абмяркуюць не толькі магчымасці заканчэння вайны ва Украіне, але таксама бяспеку ў Чарнаморскім рэгіёне, палестынскае пытанне, сітуацыю на Блізкім Усходзе ў Армузскім праліве, а таксама падзеі, звязаныя з Еменам і Саудаўскай Аравіяй.

Егіпет зацікаўлены ў спыненні вайны Расіі супраць Украіны, бо яму патрэбная ўкраінская сельскагаспадарчая прадукцыя, у першую чаргу пшаніца. У сувязі з гэтым ён будзе шукаць шляхі спынення вайны.

Нагадаем, міністр замежных спраў Турцыі Хакан Фідан раней заклікаў Украіну і Расію дамовіцца аб спыненні удараў па гандлёвых судах у Чорным моры.