The Wall Street Journal: Еўропа рыхтуецца да ядзернага стрымлівання Расіі

• 26.10.2026, 17:01

Новую стратэгію падтрымалі найбуйнейшыя краіны ЕС.

Францыя пашырае сваю ролю ў забеспячэнні ядзернай бяспекі Еўропы на фоне росту сумневаў у надзейнасці амерыканскіх гарантый бяспекі, піша выданне The Wall Street Journal, да ініцыятывы прэзідэнта Эмануэля Макрона па «праактыўным стрымліванні» ужо далучыліся 10 краін, сярод якіх Вялікабрытанія, Германія і Польшча.

Прапанаваны план прадугледжвае размяшчэнне французскіх знішчальнікаў, здольных несці ядзерную зброю, у розных кутках Еўропы.

Акрамя таго, ініцыятыва ўключае істотнае ўзмацненне абмену разведвальнымі дадзенымі і развіццё сістэм ранняга папярэджання аб пагрозах.

Галоўная мэта праекта — ускладніць магчымыя разлікі Расіі на раскол сярод заходніх саюзнікаў, а таксама скараціць крытычную залежнасць Еўропы ад амерыканскага «ядзернага парасона».