«Мы чакалі цябе»: як венесуэльцы віталі Марыю Мачаду

• 26.10.2026, 20:04

Відэафакт.

Лідар венесуэльскай апазіцыі, лаўрэат Нобелеўскай прэміі міру 2025 года Марыя Карына Мачада вярнулася на радзіму пасля амаль года знаходжання ў выгнанні. «Я тут. З вамі», — напісала яна ў нядзелю, 25 кастрычніка, у сацсетцы X.

Яе сустрэлі тысячы прыхільнікаў, якія скандавалі слова «Свабода!»

Яе саюзнік і былы кандыдат у прэзідэнты Эдмундо Гонсалес Урруція пацвердзіў вяртанне 59-гадовай палітычніцы. «Сёння вельмі важны дзень для венесуэльцаў», — адзначыў ён.

Раней, 22 кастрычніка, тысячы пратэстаўцаў у Венесуэле настойвалі на вяртанні Мачады. У Каракасе дэманстранты выйшлі на вуліцы з плакатамі з патрабаваннямі правесці выбары. Яшчэ адна аналагічная акцыя прайшла ў заходнім штаце Тачыра на мяжы з Калумбіяй.