Украіна завяршыла сваю частку працы над аналагам Patriot

• 27.10.2026, 9:06

Сістэму супрацьбалістычнай абароны Freyja рыхтуюць да выпрабаванняў.

Украіна завяршыла свой этап прац над еўрапейскай супрацьбалістычнай сістэмай Freyja і чакае, пакуль дзесяць краін-партнёраў скончаць распрацоўку сваіх кампанентаў. Пасля гэтага праект павінен перайсці да практычных выпрабаванняў.

Пра завяршэнне ўкраінскай часткі праекта, паводле звестак кампаніі Fire Point, паведаміў прэзідэнт Украіны Уладзімір Зяленскі. Ён заклікаў партнёраў паскорыць працу, каб як мага хутчэй прыступіць да выпрабаванняў сумеснага праекта.

Freyja распрацоўваецца як больш даступная альтэрнатыва амерыканскім сістэмам Patriot для перахопу балістычных ракет. Праект прадугледжвае аб’яднанне тэхналагічных магчымасцяў дзесяці краін, кожная з якіх адказвае за асобныя кампаненты сістэмы супрацьпаветранай абароны.

Чакаецца, што рэалізацыя праграмы дазволіць еўрапейскім дзяржавам стварыць уласную сістэму абароны паветранай прасторы без залежнасці ад амерыканскіх партнёраў.