У Мінску знялі трылер з вядомым нямецкім акцёрам Тылем Швайгерам

• 27.10.2026, 9:32

На YouTube з'явіўся трэйлер.

На відэахостынгу YouTube 26 кастрычніка з'явіўся трэйлер расійска-беларускага псіхалагічнага трылера «Бочка», у якім зняўся вядомы нямецкі актор Тыль Швайгер, піша «Зеркало».

Над праектам працавалі расійская кінакампанія «БигСкринПродакшн» і беларускі «Киноцех».

Паводле сюжэту малады пранкер прыходзіць у сябе ў замкнёнай бочцы на закінутым заводзе. Побач — прыкаваны да слупа бацька, з якім ён даўно страціў агульную мову.

«Каб выбрацца, ім давядзецца навучыцца давяраць адзін аднаму, пакуль не стала позна», — гаворыцца ў апісанні трэйлера.

Хоць дзеянне трылера паводле сюжэту адбываецца ў ЗША, геаграфія здымак абмежавалася Мінскам, пісаў «Кинопоиск».

Рэжысёрам «Бочкі» выступіў Аляксей Званцоў. У фільме зняліся Тыль Швайгер, Філіп Райнхардт, Натан Пол-Колліс, Ола Кейру, Ірына Кобзёва.

Прэм'ера ў Расіі адбудзецца 17 снежня 2026 года. Правы на фільм ужо набыты стрымінгавымі платформамі Apple TV і Amazon, перадае РБК.