Раналду выйграў «Залаты мяч усіх часоў»

• 28.10.2026, 21:56

Партугалец апярэдзіў Месі ў галасаванні.

Нападнік «Аль-Насра» Крыштыяну Раналду стаў пераможцам рэйтынгу «Залаты мяч усіх часоў». Інфармацыя пра гэта апублікавана на афіцыйным сайце узнагароды.

Фанаты на сайце выбіралі лепшы «Залаты мяч» з усіх, якія ўручаліся, і ўзнагарода партугальца, якую ён атрымаў у 2008 годзе, апярэдзіўшы Ліянэля Месі з «Барселоны» і Фернанда Торэса з «Ліверпуля», апынулася на першай пазіцыі.

Да гэтага арганізатары патлумачылі, што ключавым крытэрыем пры выбары пераможцы ў гэтай намінацыі з’яўляецца не агульная колькасць выйграных «Залатых мячоў» (найбольш у Месі — восем), а дзеянні футбаліста ў сезоне, за які ён атрымаў гэты трафей.

Раналду застаецца сусветным рэкордсменам па колькасці галоў і матчаў за зборную: на ягоным рахунку 146 галоў у 233 афіцыйных сустрэчах. Лепшым дасягненнем Партугаліі на чэмпіянаце свету застаецца чацвёртае месца ў 2006 годзе. Тады Раналду ўжо гуляў за нацыянальную каманду.

Зборная Партугаліі ўступіла Іспаніі ў 1/8 фіналу чэмпіянату свету — 0:1. Раналду, у якога пяць перамог у Лізе чэмпіёнаў, дзве Лігі нацый, тытул чэмпіёна Еўропы і пяць «Залатых мячоў», напярэдадні гульні заявіў, што гэты мундыяль стане для яго апошнім. У выніку форвард так і не стаў чэмпіёнам свету.