Мінчанін забраўся на дах чужой машыны, а потым пабіўся з уладальнікам

• 28.10.2026, 22:09

Патлумачыць матывы сваіх паводзінаў мужчына не змог.

У Мінску п'яны мужчына забраўся на дах прыпаркаванага аўтамабіля і пачаў псаваць машыну. Калі ўладальнік выйшаў на вуліцу і зрабіў заўвагу, слоўная перапалка перарасла ў бойку, расказалі ў міліцыі Мінска.

На спецыяльную лінію 102 звярнуўся 36-гадовы мінчанін. Ён паведаміў, што невядомы забраўся на яго аўтамабіль і псуе машыну. Прыбылыя праваахоўнікі затрымалі 34-гадовага мантажніка аднаго са сталічных прадпрыемстваў. Мужчына быў п'яны.

Уладальнік аўтамабіля заўважыў незнаёмца пасля таго, як спрацавала сігналізацыя. Ён выглянуў у вакно і ўбачыў мужчыну на даху сваёй машыны.

Мужчына выйшаў на вуліцу і зрабіў незнаёмцу заўвагу, але той не рэагаваў.

Патлумачыць матывы сваіх паводзінаў пасля затрымання фігурант не змог. Акрамя крымінальнай справы за хуліганства яму давядзецца кампенсаваць нанесеную шкоду.