Дзяды на лафетах

• Тэлеграм-канал «СерпомПо»
• 29.10.2026, 11:21

Ходзяць чуткі пра перанесеныя ў Крамлі інфаркт і інсульт.

На відэа — памочнік 74-гадовага прэзідэнта РФ Пуціна па міжнародных пытаннях, 79-гадовы Ушакоў. Пыхкае, перапытвае — ці то дрэнна чуе, ці то з першага раза не разумее, пра што яго пытае паслужлівая карэспандэнтка. Але пры гэтым важна заяўляе, што еўрапейцаў да перамоўнага стала ў Абу-Дабі па ўкраінскім урэгуляванні ніхто не пустіць. І гэта — галоўнае з таго, што ён сказаў. Бо ні даты перамоў ён не ведае, ні таго, якія пытанні на іх будуць абмяркоўвацца, нават не выказаў здагадкі.

Крыніцы сцвярджаюць, што Ушакоў перажыў інфаркт і інсульт і не раз прасіўся ў адстаўку. Але Пуцін не адпускае.

Ну вядома, як жа ён без такіх дарадцаў, як Ушакоў, і такога міністра замежных спраў, як 76-гадовы Лаўроў. Ён учора таксама даволі крытычна выказаўся пра еўрапейцаў, каментуючы тэлефонную размову Пуціна з лідарамі Нарвегіі і Фінляндыі. Па яго словах, гэта паказвае толькі жаданне еўрапейцаў уціснуцца ў перамоўны працэс. Хоць з якімі пазіцыямі ў гэты працэс уціскацца — гэта вялікае пытанне.

Як з пазіцыямі Пуціна і яго дарадцаў ідзе перамоўны працэс, увесь свет назірае ўжо пяты год. Баявыя дзеды гатовыя ваяваць вечна. Дакладней, як іх савецкія папярэднікі ў Афганістане, да гонкі на лафетах.

Праўда, за 10 гадоў у Афганістане СССР страціў 15 тысяч чалавек…

Тэлеграм-канал «СерпомПо»