Узброеныя сілы Украіны ў кастрычніку знішчылі рэкордную колькасць акупантаў

• 29.10.2026, 15:40

Кожны месяц вайны абыходзіцца арміі РФ усё даражэй.

Па стане на 29 кастрычніка агульныя баявыя страты расійскай арміі ў асабовым складзе за бягучы месяц складаюць 49 040 чалавек.

Як адзначае Генеральны штаб Узброеных Сіл Украіны, гэта ўжо найбольшы месячны паказнік з пачатку поўнамаштабнага ўварвання Расіі супраць Украіны. А да завяршэння кастрычніка застаецца яшчэ тры суткі.

Папярэдні найвышэйшы паказнік зафіксаваны яшчэ ў снежні 2024 года — 48 670 чалавек.

Сярэднесутачныя страты праціўніка ў кастрычніку цяпер складаюць каля 1 750 чалавек.

Страты арміі РФ стабільна растуць: у лютым 2026 года — 26 090 чалавек, у верасні — 46 230, у кастрычніку (па стане на 29 кастрычніка) — 49 040.

«Тэмпы страт перавышаюць здольнасць праціўніка папаўняць свае падраздзяленні. Кожны месяц вайны абыходзіцца арміі РФ усё даражэй», — адзначылі ў Генеральным штабе.