У Літве дамовіліся аб усеагульным прызыве для маладых мужчын

• 29.10.2026, 17:26

З 2032 года.

Дзяржаўны савет па пытаннях абароны Літвы, у склад якога ўваходзяць кіраўнікі дзяржавы і сістэмы нацыянальнай абароны, у чацвер прыняў рашэнне аб увядзенні усеагульнага прызыву ў узброеныя сілы з 2032 года, паведамляе LRT.

Паводле слоў прэзідэнта Гітанаса Наўседы, для ўкаранення зменаў быў абраны 2032 год, каб да таго часу паспець інвеставаць сродкі ў належнае размяшчэнне большай колькасці прызыўнікоў і падрыхтоўку інструктараў.

- Мы вырашылі, што усеагульны прызыў будзе ўведзены з 2032 года, – заявіў Наўседа пасля пасяджэння савета.

Паводле яго слоў, дзяўчаты і надалей змогуць праходзіць ваенную службу на добраахвотнай аснове.

У цяперашні час штогод у шэрагі узброеных сіл прызваюць больш за 5 тысяч маладых мужчын.

Па словах Наўседы, у выпадку ўвядзення усеагульнага прызыву, улічваючы дэмаграфічную сітуацыю і той факт, што некаторыя маладыя людзі не прыдатныя да службы па стане здароўя, штогод будуць прызваць каля 7,5 тысяч маладых людзей.

Ён дадаў, што таксама неабходна збалансаваць праходжанне вайсковай службы прызыўнікамі і абнаўленне навыкаў ваеннаслужачых запасу, каб абодва гэтыя працэсы адбываліся на высокім узроўні.

- Мне здаецца, што гэта (увядзенне прызыву з 2032 года. – Рэд.) з'яўляецца аптымальным, – адзначыў кіраўнік дзяржавы.

Ён таксама адзначыў, што Савет нацыянальнай абароны пагадзіўся пашырыць спектр варыянтаў службы, напрыклад, дазволіўшы прызыўнікам праходзіць падрыхтоўку на аператараў беспілотнікаў, дапамагаць Дзяржаўнай памежнай службе або працаваць пажарнымі.

Частковы прызыў быў адноўлены ў Літве ў 2015 годзе ў сувязі з узмацненнем пагроз пасля анексіі Крыму Расіяй.