ЗСУ знішчылі два Су-34 на аэрадроме ў Валгаградскай вобласці

• 29.10.2026, 18:33

Расійская авіяцыя панесла новыя страты.

29 кастрычніка 2026 года ўкраінцы нанеслі ўдар па вайсковым аэрадроме «Марынаўка», размешчаным каля населенага пункта Акцябрскі ў Валгаградскай вобласці Расіі, паведамляе тэлеграм-канал «Дасье шпіёна».

Гэты аэрадром выкарыстоўвае 11-ы змешаны авіяцыйны полк.

Як паведамляецца, у выніку ўдару былі знішчаныя два самалёты Су-34. Двое вайскоўцаў палка загінулі, яшчэ двое атрымалі раненні.

Гэты вайсковы аэрадром і раней трапляў пад прыцэл украінскіх Сіл абароны. У прыватнасці, 27 чэрвеня 2025 года прадстаўнікі СБУ і Сіл спецыяльных аперацый паведамілі пра знішчэнне двух Су-34 і пашкоджанне яшчэ двух расійскіх самалётаў на тэрыторыі гэтага комплексу.