«Асобная паласа для блатных»

• 29.10.2026, 19:28

Беларускія вадзіцелі скардзяцца на «абочнікаў».

Стаіш у корку на МКАД, спазняешся, нервуешся і бачыш, як міма цябе па абочыне праносіцца больш спрытны аўтамабіліст. І часцей за ўсё не адзін, а некалькі. Як гэта можа не злосціць тых, хто сумленна выконвае ПДР і стаіць у заторы разам з астатнімі вадзіцелямі? Вось і чытача «Онлайнера» моцна раздражняюць «абочнікі».

— Учора напрыканцы працоўнага дня на МКАД у раёне вуліцы Прытыцкага ўтварыўся невялікі затор. Усе стаяць, але для блатных ёсць асобная паласа. Праўда, платная, — аўтар відэа намякае, што за такія манеўры можна атрымаць штраф.

Але нехта, паглядзеўшы запіс, можа спытаць: з-за чаго, уласна, увесь шум? Бо ўсе аўтамабілі, знятыя відэарэгістратарам, звярнулі на бліжэйшым павароце. Увогуле, ацаніце іх учынак самі.

«Абочнікаў» не выкараніць, таму ў скарбонку журналістаў трапіла яшчэ адно відэа ад чытача. Зноў МКАД, ранішні час-пік, паласы стаяць. З абочыны ў паласу разгону (якая ідзе пасля з'езду на кальцавую) ўрываецца Belgee. На шчасце, Lada, што ехала ў тым жа напрамку, трымалася ў шэрагу бліжэй да правага краю, таму ўсе раз'ехаліся бяспечна.