Пуцін: Расія гатовая да вайны з Еўропай

• 29.10.2026, 21:22

Дыктатар РФ таксама заявіў, што «пераможцаў не будзе» ў гэтай вайне.

Расія гатовая да вайны з Еўропай, але «не хоча» канфлікту. У той жа час Крэмль нібыта «падтрымлівае любыя крокі» для аднаўлення адносін з еўрапейскімі краінамі.

Пра гэта заявіў расійскі дыктатар Уладзімір Пуцін, паведамляе ТАСС.

«Многія ў Еўропе рыхтуюцца да вайны з Расіяй да 2030 года, Расія гатовая, але вайны не хоча», — адзначыў ён.

Дыктатар дадаў, што калі дойдзе да вайны РФ з Еўропай, то «пераможцаў не будзе». Ён заклікаў еўрапейскія краіны «не забываць пра гэта».

У той жа час кіраўнік Крамля паведаміў, што Расія «падтрымлівае любыя крокі» для аднаўлення адносін з краінамі-членамі ЕС.