«Мадзяр» назваў уражальныя лічбы

• 6.10.2026, 11:04

З 1 па 5 кастрычніка страты арміі РФ рэзка ўзраслі.

Страты акупацыйнай арміі РФ у асабовым складзе ад удараў Сіл беспілотных сістэм ЗСУ з 1 па 5 кастрычніка 2026 года павялічыліся на 39,7% у параўнанні з аналагічным перыядам верасня.

Пра гэта ў сваім акаўнце ў Facebook распавёў Камандуючы СБС Роберт «Мадзяр» Броўдзі.

Паводле дадзеных Броўдзі, калі з 1 па 5 верасня пацверджаныя беззваротныя і санітарныя страты арміі РФ ад удараў СБС складалі 1931 чалавек, то ў кастрычніку – 2699 чалавек (+ 39,7%).

У параўнанні з аналагічным перыядам жніўня страты ворага павялічыліся на 76,5%. Броўдзі адзначыў, што самае вялікае павелічэнне страт расійскай арміі за апошні час у выніку удараў СБУ зафіксавана ў раёнах Добрапілля і Пакроўска Данецкай вобласці.

На гэтым напрамку фронту вораг ад удараў СБС з 1 па 5 кастрычніка страціў 1268 чалавек, а за аналагічны перыяд верасня – 664 чалавек (+ 91%).

Паводле інфармацыі Генштаба ЗСУ, з 1 па 5 кастрычніка 2026 года акупацыйная армія РФ страціла ў вайне супраць Украіны 8 750 чалавек.

У верасні вораг панёс рэкордныя ў бягучым годзе страты - 46 230 чалавек. Усяго ж з 24 лютага 2022 года па 6 кастрычніка 2026 года расійская армія страціла забітымі і параненымі больш за 1,5 млн чалавек.

За гэты час украінскія абаронцы знішчылі або падбілі больш за 12 тысяч расійскіх танкаў і больш за 25 тысяч браніраваных баявых машын.