Вынесены прысуд па шакавальнай справе аб забойстве нованароджанага

• 6.10.2026, 11:39

Маці атрымала вялікі тэрмін.

У Ушачах маці падчас родаў скінула дзіця ў выграбную яму прыбіральні.

Жыхарку Ушацкага раёна прызналі вінаватай у забойстве ўласнага дзіцяці, піша «Мінская праўда». Трагедыя адбылася ў сакавіку гэтага года. Паводле звестак слядства, жанчына злоўжывала алкаголем і ўжо была пазбаўлена бацькоўскіх прав у дачыненні да старэйшай дачкі.

У стане алкагольнага ап'янення жанчына нарадзіла жыццяздольнага хлопчыка ў прыбіральні каля дома. Яна наўмысна разарвала пупавіну, у выніку чаго немаўля ўпала ў выграбную яму, дзе яно загінула.

Экспертыза выявіла ў арганізме нованароджанага этылавы спірт. Жанчына ўтоіла факт нараджэння сына, не спрабавала яго ратаваць і наўмысна не звярнулася па медыцынскую дапамогу.

Суд прызначыў ёй 15 гадоў пазбаўлення волі з адбываннем пакарання ў выпраўчай калоніі ў умовах агульнага рэжыму.