Сусветны банк перанёс прагноз аб заканчэнні вайны ва Украіне

• 6.10.2026, 21:50

У папярэднім прагнозе гаварылася, што актыўныя баявыя дзеянні скончацца да канца 2026 года.

Сусветны банк прадставіў даклад па эканоміцы Еўропы, у якім прагноз зроблены з улікам працягнення ваенных дзеянняў РФ ва Украіне. Дакумент апублікаваны на сайце арганізацыі.

«Аднаўленне Украіны будзе значна слабейшым, чым прагназавалася раней, паколькі цяпер мяркуецца, што актыўныя баявыя дзеянні будуць працягвацца ў 2027 годзе», — гаворыцца ў дакладзе.

Пры гэтым у 2027 годзе Сусветны банк прагназуе рост эканомікі Украіны да 1,5%, а ў 2028-м — да 3%.

Вясной Сусветны банк дапускаў, што расійска-украінская вайна завершыцца да канца 2026 года, у выніку чаго эканоміка Украіны будзе расці на 4% у 2027 годзе і на 4,5% у 2028-м, гаварылася ў прагнозе.