Беспілотнікі прарвалі абарону арміі РФ і паразілі Сняжнянскі машынабудаўнічы завод

• 7.10.2026, 8:11

Прадпрыемства вырабляе дэталі для расійскай авіяцыі.

6 кастрычніка стала вядома, што аператары беспілотнікаў чацвёртага батальёна 413-га палка СБС «Рэйд» сумесна з іншымі падраздзяленнямі ЗСУ атакавалі важны аб’ект у Данецкай вобласці.

Мэтай стаў Сняжнянскі машынабудаўнічы завод, на якім вырабляюцца дэталі (лапаткі кампрэсараў і дыскі) для газатурбінных рухавікоў верталётаў і знішчальнікаў.

На відэа ў акаўнце «Рэйда» ў сацсетцы X можна ўбачыць удар па заводзе, а таксама пажар, які ўспыхнуў пасля гэтага.

Сняжнае было акупавана з 2014 года. Кіраўніцтва прадпрыемства «Мотор-Сич» з 20 снежня 2017 года страціла кантроль над кіраваннем актывамі мясцовага завода.

Выданне ZN.UA пісала пра страту кантролю над Сняжнянскім машынабудаўнічым заводам яшчэ 14 верасня 2014 года, сцвярджаючы, што з аб’екта ў тры змены вывозілі ў Санкт-Пецярбург унікальныя штампы-лекалы, якія вызначаюць дакладнасць вытворчасці лапатак для авіятурбін.