Кніга Юрыя Фельштынскага «Беларусь Наталлі Радзінай» выйшла на англійскай мове

• 7.10.2026, 11:14

Выдатны спосаб расказаць замежнікам пра гісторыю беларускага супраціву.

Новая кніга вядомага амерыканскага гісторыка і публіцыста Юрыя Фельштынскага «Беларусь Наталлі Радзінай: журналістка супраць дыктатара» выйшла на англійскай мове ў выдавецтве ISIA Media Verlag (Лейпцыг, Германія).

Яе можна набыць на платформах Amazon і Thalia.

Раней «Беларусь Наталлі Радзінай» выйшла на беларускай, рускай і ўкраінскай мовах.

Новая кніга вядомага гісторыка і публіцыста Юрыя Фельштынскага — гэта гісторыя Беларусі, убачаная праз прызму жыцця галоўнай рэдактаркі сайта Charter97.org Наталлі Радзінай, праз супраціў журналісткі, якая апынулася ў эпіцэнтры палітычнай барацьбы і адмовілася падпарадкавацца дыктату. Гэта гісторыя пра мужнасць, прынцыповасць, бескампраміснасць і цану свабоды. Праз лёс аднаго журналіста прасочваецца лёс народа, які не перастае змагацца за свабоду.

На старонках кнігі з’яўляюцца і многія вядомыя сучаснікі — Станіслаў Шушкевіч, Даля Грыбаўскайтэ, Лех Валэнса, Анджэй Вайда, Барыс Нямцоў, Леанід Нявзлін, Хілары Клінтан і іншыя.

«Беларусь Наталлі Радзінай» — выдатны падарунак для замежных калегаў, журналістаў, палітыкаў і сяброў, якія хочуць лепш пазнаць гісторыю беларускага супраціву.

Кнігу «Беларусь Наталлі Радзінай» можна набыць:

Англійскае выданне — платформы Amazon і Thalia.

Беларускае выданне — платформа выдавецтва «Янушкевіч» «Кнігаўка» і ў Варшаве ў кнігарні «Кнігаўка» па адрасе ul. Kłopotowskiego 4, 03-717.

Рускае выданне — сайт выдавецтва «ISIA Media» і Amazon.

Украінскае выданне — «Друкарський двір Олега Федорова» і Yakaboo.