Расія нанесла ракетныя ўдары па кінастудыі імя Даўжэнкі

• 7.10.2026, 11:23

З’явіліся кадры з месца падзей.

У выніку ракетнага ўдару па Кіеве была пашкоджана легендарная кінастудыя імя Аляксандра Даўжэнкі. Пра гэта паведамляецца на старонцы кінастудыі ў сацсетках 7 кастрычніка.

«Зноў цяжкая ноч і раніца дрэнных навін. Ад масіраванай ракетнай атакі пацярпеў трохпавільённы корпус кінастудыі А. Даўжэнкі. Загінулых пакуль няма», — гаворыцца ў заяве.

Тут жа апублікаваныя кадры будынка пасля ўдараў.

Гэта другая маштабная атака на кінастудыю за апошнія некалькі месяцаў. Папярэдні ўдар расійскія тэрарысты нанеслі ў ноч на 15 чэрвеня. У выніку траплення снарада быў пашкоджаны касцюмерны цэх. Пажар, які разгарэўся на тэрыторыі кінастудыі, знішчыў унікальную калекцыю касцюмаў, якая была самай вялікай і найстарэйшай ва Украіне.