ЗСУ атакавалі расійскі аэрадром

• 7.10.2026, 16:07

Магутны ўдар па Бранскай вобласці РФ.

Падраздзяленні Сіл абароны Украіны нанеслі ўдары па шэрагу ваенных аб'ектаў праціўніка на часова акупаваных тэрыторыях Украіны і на тэрыторыі РФ. Як паведаміў Генеральны штаб ЗСУ, у прыватнасці, быў паражаны аэрадром «Сешча» ў Бранскай вобласці РФ. Маштаб шкоды ўдакладняецца.

У раёне населенага пункта Грынёва той жа вобласці паражана станцыя радыёэлектроннай барацьбы, а ў раёне Елёнак – радыёлакацыйная станцыя.

Акрамя таго, у раёне Данецка паражана месца захоўвання, падрыхтоўкі і запуску ўдарных БПЛА расійскіх акупантаў.

«Украінскія ваяры нанеслі ўдары па пунктах кіравання БПЛА праціўніка ў раёнах Белацаркоўкі і Камянкі Запарожскай вобласці, а таксама па КНП у раёне Горняка Данецкай вобласці. У раёнах Украінскай і Курахаўкі Данецкай вобласці былі паражаныя камандна-назіральныя пункты праціўніка», – гаворыцца ў паведамленні.

У Генштабе таксама паведамілі, што на часова акупаванай тэрыторыі Луганскай вобласці ў раёне Крынічнага паражаны склад матэрыяльна-тэхнічных сродкаў падраздзялення расійскіх акупантаў, а ў раёне «Кондрючее» – склад гаруча-змазачных матэрыялаў.