Гэта дзіця — падарунак Пуціну

• Дыяна Макарова
• 7.10.2026, 19:14

Дыктатару яго паднеслі такія ж канібалы, як і ён сам.

І ўсе ўглядаюцца — жывое дзіця ці не? Ага, жывое. Вунь, абдымае дзядзьку за шыю. Дасведчанае вока гэта заўважае.

Гэта фота дня. Колькі такіх фота ў нас ёсць — штодня? А заўтра будзе дзень, і будуць новыя фота, яшчэ страшнейшыя за папярэднія.

Гэта спалоханае, магчыма, кантужанае дзіця — падарунак Пуціну. Гэта яму паднеслі такія ж канібалы, як і ён сам.

Калі вы раптам нічога не ведалі пра вайну ва Украіне (ну, раптам, ну, раптам вы Рып ван Вінкль), дык вось вычарпальнае тлумачэнне. Вайна ва Украіне — гэта калі канібалам падносяць у падарунак спалоханых, пакалечаных украінскіх дзяцей.

Дыяна Макарова, Facebook