Украінскі марскі дрон Sargan 3000 з турэллю знішчыў расійскі «Шахед»

• 7.10.2026, 22:02

Відэа.

Украінскія абаронцы знішчылі з дапамогай марскога беспілотнага катэра з усталяванай турэллю расійскі ўдарны дрон тыпу Shahed.

Відэа паражэння апублікавалі ў Ваенна-марскіх сілах Украіны.

Байцы ВМС выкарысталі дрон Sargan 3000, які аснашчылі турэллю. На відэа расійскі «Шахед» атакуюць некалькімі кулямётнымі чэргамі, пасля чаго фіксуюць, як БПЛА падае ў мора і выбухае.

«Шахед у mesh-сетцы быў паражоны агнём з турэлі, усталяванай на борце марскога беспілотнага катэра Sargan 3000. Ваенна-марскія сілы Узброеных Сіл Украіны працягваюць выконваць задачы па абароне марскога ўзбярэжжа і паветранай прасторы Украіны», — пракаментавалі відэа аперацыі вайскоўцы.