Пуцін «выпадкова» адзначыў сваё 74-годдзе ў кампаніі экс-канцлера ФРГ Шрёдэра

• 9.10.2026, 11:09

Прэс-служба Крамля агучыла дзіўную версію.

Расійскі дыктатар Уладзімір Пуцін сваё 74-годдзе адзначаў удома разам са сваёй сям’ёй і з былым канцлерам Германіі Герхардам Шрёдэрам. Пра гэта паведаміла прэс-служба Крамля, перадае Диалог.UA.

Прэс-служба Крамля сцвярджае, што візіт у Маскву 7 кастрычніка Шрёдэра, які з’яўляецца блізкім сябрам Пуціна, не звязаны з днём нараджэння расійскага дыктатара.

Пра прыезд былога канцлера Германіі ў Маскву кіраўнік Расіі нібыта даведаўся з паведамленняў СМІ. Сцвярджаецца, што Шрёдэр прыляцеў па справах кампаніі «Глобус».

Даведаўшыся пра гэта, Пуцін запрасіў «свайго старога сябра» да сябе дадому. Былы нямецкі канцлер быў разам з гаспадаром Крамля, калі той 7 кастрычніка адзначаў свой дзень нараджэння.

Шрёдэр займаў пасаду федэральнага канцлера ФРГ з кастрычніка 1998-га па лістапад 2005-га. Ён заўсёды падтрымліваў добрыя адносіны з Пуціным. Шрёдэр неаднаразова лятаў у Маскву і пасля поўнамаштабнага ўварвання расійскай арміі ва Украіну.