У Магілёўскай вобласці рыбак злавіў гіганцкага шчупака

• 9.10.2026, 22:02

Фотафакт.

Неверагодна вялікага шчупака вылавілі на Магілёўшчыне. Рэдкі экзэмпляр удалося здабыць на адным з азёр Горацкага раёна.

Фота рэкорднай здабычы ў пабліку «Рыбалка Беларусі».

Здабычу паказаў рыбак Яўген Рывоненка. Велікана вагой 12,2 кг ён злавіў на спінінг. Драпежніца клюнула на сіліконавую прынаду Zmey 20.

Пасля фотасесіі з трафеем мужчына выпусціў рыбу ў возера. Гэта выклікала хвалю адабрэння сярод каментатараў.

«Захапленне і павага! Перамог і адпусціў», — адзначыў адзін з карыстальнікаў. «Малайчына, што не на фарш пусціў яе!» — падхапіў іншы.

«Вось я разумею. Злавіў трафейнага шчупака, атрымаў адрэналін, зрабіў фота і адпусціў фотамадэльку. Малайчына», — выказаў агульную думку адзін з каментатараў.