Падаткавая дала беларусам тыдзень на сплату збораў

• 10.11.2026, 11:43

Папярэджанне датычыць значнай часткі насельніцтва.

Міністэрства па падатках і зборах нагадала беларусам аб плацяжах па маёмасных зборах — за транспарт, нерухомасць і зямлю. Мова пра зборы за 2025 год.

Пералічыць грошы трэба да 16 лістапада ўключна. Тым, хто «забудзе» гэта зрабіць, пагражае пакаранне.

У КаАП прапісана, што для тых, хто не сплаціў адзіны маёмасны плацеж, прадугледжана адміністрацыйная адказнасць — да 40% ад нявыплачанай сумы падатку, але не менш за дзесяць базавых велічынь (на сёння гэта 450 рублёў).

«За паўторную наўмысную нявыплату на працягу аднаго года пасля накладання адміністрацыйнага спагнання — да дзвюхсот базавых велічынь (да 9000 рублёў)», — удакладнялі раней падаткавікі.