Пацярпеў найбліжэйшы сябар Пуціна

• Уладзімір Амельчэнка
• 10.11.2026, 14:38

Украінскія дроны ўдала наведалі Ленінградскую вобласць РФ.

Украінскія дроны паспяхова наведалі Ленінградскую вобласць — Кірышскі НПЗ (КІНЕФ). Гэта не проста чарговая мэта, а ювелірны ўдар па адным з самых важных аб’ектаў расійскай нафтаперапрацоўкі.

Каб вы разумелі маштаб прадпрыемства:

Гэта другі па магутнасці НПЗ ва ўсёй Расіі (уступае толькі Омскаму).

Перапрацоўка: праектная магутнасць больш за 21 млн тон нафты ў год (фактычна перапрацоўвалі каля 17,5 млн тон).

Вытворчасць: 6–7 млн тон дызеля і каля 2 млн тон аўтамабільнага бензіну штогод.

НПЗ забяспечвае палівам увесь Санкт-Пецярбург і паўночна-заходні рэгіён РФ, на яго прыпадае каля 7% усёй расійскай перапрацоўкі нафты.

Паводле папярэдніх даных, зноў гарыць ключавая ўстаноўка першаснай перапрацоўкі нафты (АВТ-6), якую расіяне толькі з вялікай цяжкасцю аднавілі пасля папярэдніх атак. Спыненне толькі гэтай адной устаноўкі — мінус 23 тысячы тон перапрацаванай нафты ў суткі, што складае амаль 40% агульнай магутнасці ўсяго завода.

А цяпер самае цікавае — па чых кішэнях гэта б’е. Афіцыйна завод належыць максімальна непразрыстай кампаніі «Сургутнафтегаз». Але гістарычна менавіта на эксклюзіўным экспарце нафтапрадуктаў Кірышскага НПЗ збудаваў сваю шматмільярдную імперыю Генадзь Цімчэнка — адзін з самых блізкіх сяброў Пуціна.

То бок гэта не толькі мінус тысячы тон паліва для расійскай арміі і дэфіцыт на іх унутраным рынку. Гэта яшчэ і прамы, вельмі балючы ўдар па асабістай «кішэні» найбліжэйшага атачэння дыктатара.

Уладзімір Амельчэнка, «Фэйсбук»