Зяленскі даў ацэнку перамовам у Абу-Дабі

• 10.11.2026, 19:07

Прэзідэнт Украіны заявіў, што з «расіянамі цяжка».

Першы дзень перамоў у Абу-Дабі быў канструктыўным, але з «рускімі цяжка». Пра гэта заявіў лідар Украіны Уладзімір Зяленскі.

«Трохбаковы фармат быў канструктыўны і дастаткова змястоўны. Паспелі абмеркаваць неабходнасць і магчымыя параметры гуманітарных крокаў», — напісаў ён у сваім тэлеграм-канале.

Да гэтага падчас дыскусіі ў Капенгагенскім універсітэце Зяленскі назваў перамовы з расійскім бокам цяжкімі, перадае «Новини.LIVE». «Я толькі што размаўляў з нашай камандай у Абу-Дабі. З расіянамі цяжка», — сказаў ён.

Сёння ў сталіцы ААЭ прайшоў першы дзень трохбаковых перамоваў.