У Беларусь завезлі электрычны кросовер NEVO Q06

• 10.11.2026, 21:31

Фотафакт.

У Беларусі пачаліся продажы NEVO Q06 — электрычнага кросовера ад Changan. Паводле звестак дыстрыб'ютара, наша краіна стала першым экспартным рынкам для мадэлі, перадае «Точка».

У пашпарце Q06 заяўлены 4,8 секунды да 100 км/г. Для параўнання электрычны Porsche Macan 4 разганяецца да 100 км/г з лаунч-кантролем за 5,2 секунды. Па даўжыні яны таксама блізкія — у Changan усяго плюс пяць сантыметраў.

У Q06 безрамныя шкла дзвярэй, 21-цалёвыя колы і святлавыя палосы на ўсю шырыню кузава спераду і ззаду. Дзвярныя ручкі зроблены для звычайнага захопу.

Для мадэлі заяўлены сем колераў кузава і тры варыянты афармлення салона.

Кросовер пабудаваны на 800-вальтавай платформе і абсталяваны батарэяй CATL на 80 кВт·г. На адным зарадзе NEVO Q06 можа праехаць да 700 км па цыкле CLTC. Гэта пашпартны паказнік. У паездцы запас ходу будзе залежаць у тым ліку ад хуткасці і тэмпературы за бортам.

З 30% да 80% батарэя зараджаецца за дзевяць хвілін. За гэты час ёй трэба прыняць прыблізна 40 кВт·г. Па грубай прыкідцы сярэдняя магутнасць зарадкі павінна складаць каля 270 кВт. Таму для заяўленага часу спатрэбіцца адпаведная станцыя, на вынік паўплывае і тэмпература батарэі.

За NEVO Q06 просяць 94 800 бел. руб. Дыстрыб'ютар таксама абвясціў пра крэдыт у беларускіх рублях тэрмінам да 10 гадоў са стаўкай ад 0,9% у ільготны перыяд.