Польшча перадасць Украіне знішчальнікі МіГ-29

• 10.11.2026, 21:36

Узамен на беспілотныя і супрацьдронныя тэхналогіі.

Польшча і Украіна абмяняюцца знішчальнікамі і ваеннымі тэхналогіямі, паведаміў намеснік міністра абароны Польшчы Цэзары Томчык.

«Мы завяршаем узгадненне пытанняў перадачы Украіне польскіх МіГ-29 у абмен на доступ да ўкраінскіх беспілотных і супрацьдронных тэхналогій», — паведаміў Томчык, які знаходзіцца з рабочым візітам у Кіеве.

Таксама намеснік міністра абароны Польшчы разам з намеснікам міністра абароны Украіны Сяргеем Боевым падпісаў пагадненне аб стварэнні польска-ўкраінскіх працоўных груп па пытаннях супрацьдронных і беспілотных тэхналогій.