У Баранавічах могуць пачаць шыць турэцкія джынсы

• 12.11.2026, 17:00

Вытворчасць хочуць запусціць на вытворчых магутнасцях прадпрыемства «Блакіт».

У Баранавічах могуць наладзіць сумесную з турэцкімі кампаніямі вытворчасць джынсавага адзення. Шыць яе плануюць на Баранавіцкім вытворчым баваўняным аб’яднанні — буйным вытворцам тканін і хатняга тэкстылю, вядомым пад брэндам «Блакіт».

Спачатку для праекта разглядалі дзве пляцоўкі: БПХО ў Баранавічах і магілёўскі «Магатэкс». У выніку выбар зрабілі на карысць баранавіцкага прадпрыемства, паведамляе прэс-служба «Беллегпрама».

Беларускі бок на перамовах прадстаўляла старшыня канцэрна Надзея Лазаравіч. З турэцкага боку ўдзельнічалі кампаніі ETS Elektromekanik Taahhüt İnşaat Ltd. Şti і Olive Textile Ltd.

Першая займаецца інжынернымі паслугамі, праектаваннем і пастаўкай прамысловага абсталявання. Другая выпускае адзенне пад прыватнымі маркамі і на замову — ад распрацоўкі дызайну да вытворчасці і дастаўкі гатовых вырабаў.

Бакі абмеркавалі ўмовы супрацоўніцтва, тэрміны запуску вытворчасці і бліжэйшыя крокі.

У «Беллегпроме» разлічваюць, што праект дазволіць загрузіць вольныя магутнасці прадпрыемства, прыцягнуць замежныя інвестыцыі, пашырыць асартымент і стварыць новыя працоўныя месцы.