У Беларусі можа з'явіцца новы аплатны адпачынак

• 12.11.2026, 17:52

Гэтую гарантыю могуць замацаваць у Працоўным кодэксе.

У Беларусі можа з'явіцца магчымасць атрымаць дадатковы аплатны адпачынак. Урад ужо падрыхтаваў праект змяненняў у Працоўны кодэкс. Каго закране новая гарантыя і як яна будзе дзейнічаць, расказала старшыня Пастаяннай камісіі па працы і сацыяльных пытаннях Ірына Касцевіч.

Паводле слоў Касцевіч, у Беларусі працуючыя бацькі дзяцей з інваліднасцю маюць права на адзін дадатковы аплатны выходны на тыдзень.

Ёсць і альтэрнатыва: па ўзгадненні з наймальнікам замест выходнага можна скарачаць працоўны дзень на гадзіну. Такі графік дазваляе бацькам надаваць больш часу сямейным справам.

Аднак магчымасці назапашваць невыкарыстаныя штотыднёвыя выходныя, каб потым узяць іх запар, беларускае заканадаўства пакуль не прадугледжвае.

Улады разглядаюць магчымасць дазволіць бацькам суміраваць дадатковыя аплатныя выходныя, якія не былі выкарыстаныя. Іх можна будзе скарыстаць на аздараўленне дзіцяці, санаторна-курортнае лячэнне або рэабілітацыю.