Маскву атакавалі беспілотнікі

• 12.11.2026, 23:16

Аэрапорты працуюць з абмежаваннямі.

Расійскую сталіцу вечарам 12 лістапада атакавалі беспілотнікі, з-за чаго ўсе маскоўскія аэрапорты працуюць з абмежаваннямі, паведаміла «Росавіяцыя».

Мэр Масквы Сяргей Сабянін паведаміў, што сістэмы СПА збілі 46 дронаў, якія ляцелі на расійскую сталіцу.

«На месцы падзення абломкаў працуюць спецыялісты надзвычайных службаў», — паведаміў Сабянін.

«Росавіяцыя» папярэдзіла, што ў небе ўведзены часовыя абмежаванні на выкарыстанне паветранай прасторы, таму аэрапорты «Шарамецьева», «Дамадзедава», «Внукава» і Жукоўскі прымаюць і адпраўляюць рэйсы «па ўзгадненні з адпаведнымі органамі».