Беларусь здабыла трэцюю перамогу запар у Лізе нацый

• 13.11.2026, 0:48

Беларускія футбалісты перамаглі Сан-Марына.

Зборная Беларусі ў гасцях перамагла Сан-Марына ў матчы пятага тура групы C1 Лігі нацый УЕФА на стадыёне «Сан-Марына» ў Серравале.

Кірыл Гоманаў адкрыў лік на 13-й хвіліне, а на 17-й Арцём Канцавы падвоіў перавагу гасцей. Вынік — 2:0. У першым крузе падапечныя Віктара Ганчарэнкі таксама перамаглі Сан-Марына, забіўшы чатыры безадказныя мячы.

Беларусь набрала дзесяць ачкоў і захавала шанцы на прамы выхад у Лігу B. Сан-Марына засталася на апошнім месцы ў групе без набраных ачкоў. Раней зборная Беларусі перамагла Фінляндыю (1:0) і Сан-Марына (4:0).

У заключным туры 15 лістапада Беларусь згуляе з Албаніяй, а Сан-Марына сустрэнецца ў гасцях з Фінляндыяй.