Уіткоф і Кушнер сустрэліся з Зяленскім пасля перамоў у Расіі

• 13.11.2026, 8:55

Сустрэча адбылася на аэрадроме Кейсмент у Ірландыі.

У чацвер увечары, 12 лістапада, спецпрадстаўнікі Трампа прыбылі ў Ірландыю і сустрэліся з прэзідэнтам Украіны Уладзімірам Зяленскім. Перамовы адбыліся пасля візіту амерыканцаў у Маскву і размовы з дыктатарам РФ Уладзімірам Пуціным.

Пра гэта паведамляе «Суспільне».

Раней было анансавана, што Стыў Уіткоф і Джарэд Кушнер пасля перамоў у Маскве накіруюцца ў Ірландыю, паколькі ў Дубліне была запланаваная іх сустрэча з Уладзімірам Зяленскім.

Яны ўжо прыбылі на месца падзей і правялі перамовы з прэзідэнтам Украіны. Сустрэча адбылася на аэрадроме Кейсмент у Балдоннеле.

Нагадаем, што пачынаючы з 10–11 лістапада паміж Украінай, ЗША і Расіяй упершыню з лютага аднавіліся трохбаковыя прамыя перамовы па завяршэнні вайны.