Калячонак забіў гол Пратасам

• 13.11.2026, 11:22

Дэбют беларускага абаронцы атрымаўся ўдалым.

У выязным матчы рэгулярнага чэмпіянату НХЛ «Вашынгтон» саступіў «Нью-Джэрсі» — 2:5. У складзе сталічнай дружыны беларускі форвард Аляксей Пратас быў заяўлены ў першым звяне разам з П’ерам-Люкам Дзюбуа і Алексам Таком. Беларускі нападнік Ілля Пратас гуляў у чацвёртым звяне з Аляксандрам Авечкіным і Антані Бавілье, піша «Прэсбол».

У складзе «Нью-Джэрсі» ўпершыню ў сезоне на лёд выйшаў беларускі абаронца Уладзіслаў Калячонак, які быў заяўлены ў трэцяй пары абароны разам з Брэнданам Дылонам.

І дэбют атрымаўся ўдалым. На 47-й хвіліне Калячонак закінуў дэбютную ў сезоне шайбу — з яго дакладным кіставым кідком не спраўіўся Логан Томпсан. Усяго Калячонак адыграў 14.36, зарабіў 1 (1+0) выніковы бал, нанёс 2 кідкі і адзначыўся паказчыкам карыснасці +2. Таксама ён быў прызнаны трэцяй зоркай матча. Калячонак — сёмы беларус, што сыграў у бягучым чэмпіянаце.

Аляксей Пратас мінулай ноччу адыграў 15.03, набраў 1 (0+1) ачко, нанёс 1 кідок, заблакаваў 1 кідок, дапусціў 1 страту, выканаў 1 сілавы прыём, выйграў 1 з 2 укідаў (50%) і завяршыў матч з паказчыкам карыснасці 0. Усяго ў бягучым сезоне ў Аляксея 17 матчаў і 9 (2+7) выніковых ачкоў.

Ілля Пратас правёў на пляцоўцы 9.40, нанёс 2 кідкі, выйграў 3 з 5 укідаў (60%) і скончыў сустрэчу з паказчыкам карыснасці -1. Усяго ў бягучым сезоне ў Іллі 17 матчаў і 6 (1+5) выніковых балаў.

НХЛ. Рэгулярны чэмпіянат

Нью-Джэрсі — Вашынгтон — 5:2 (1:1, 1:1, 3:0)

Шайбы: 1:0 — Э. Радрыгес (4) (Маер, Грыцюк, 2.20 — бол.). 1:1 — Ленард (6) (Хатсан, 14.10 — бол.). 1:2 — Дзюбуа (4) (А. ПРАТАС, Сент-Айвені, 22.11). 2:2 — Хямеэнаха (1) (Дылон, Гласс, 29.51). 3:2 — КАЛЯЧОНАК (1) (Э. Радрыгес, 46.27). 4:2 — Носен (2) (К. Браўн, 57.07). 5:2 — Д. Х’юз (10) (Грыцюк, Братт, 59.15 — п/в).