Агнём і выбухамі ахопленая авіябаза Мінабароны РФ Ахтубінск, дзе базуюцца Су-34

• 15.11.2026, 12:20

Пасля атакі пачаліся маштабны пажар і дэтанацыя.

У ноч на нядзелю, 15 лістапада, быў атакаваны вайсковы аэрадром Ахтубінск ва Астраханскай вобласці краіны-агрэсара РФ.

Пра гэта піша ўкраінскі OSINT-канал Exilenova+, публікуючы таксама кадры пажару і дэтанацыі боепрыпасаў.

«Паводле нашай інфармацыі, прагучала прынамсі 30 выбухаў. Пад ударам знаходзіліся аэрадромная інфраструктура, месцы стаянкі баявых самалётаў, склады боепрыпасаў і іншыя аб'екты», — пішуць аналітыкі.

Губернатар Астраханскай вобласці Ігар Бабушкін сцвярджае, што мінулай ноччу на поўначы рэгіёна быў збіты 31 беспілотнік.

Аэрадром Ахтубінск з'яўляецца месцам базіравання 929-га Дзяржаўнага лётна-выпрабавальнага цэнтра Мінабароны РФ — аднаго з асноўных цэнтраў выпрабаванняў і ацэнкі новых узораў ваеннай авіяцыйнай тэхнікі і ўзбраення, паведамляў Генштаб ЗСУ ў жніўні гэтага года. Тады, 20 жніўня, у выніку атакі быў пашкоджаны самалёт Су-34.

Аэрадром выкарыстоўваецца ворагам для базавання самалётаў Су-34, якія прымяняюцца для нанясення ўдараў кіраванымі авіябомбамі па тэрыторыі Украіны, падкрэслівалі ў Генштабе. Ён размешчаны каля 650 км ад лініі баявога сутыкнення.

Таксама ў ноч на 15 лістапада у Татарстане дроны атакавалі адзін з найбуйнейшых нафтахімічных заводаў РФ — Ніжнекамскнефтэхім.

Акрамя таго, паведамлялася, што у Таганрогу Растоўскай вобласці РФ была атакаваная падстанцыя 220 кВ Т-10 (Таганрог-10) і абрынуўся аўтамабільны мост.