Удар па аэрадроме Ліпецк-2 у РФ: пашкоджаны Су-34, камандны пункт і ангар

• 15.11.2026, 13:36

Сілы абароны Украіны правялі паспяховую атаку на ваенны аб’ект.

У пятніцу, 13 лістапада, Украіна атакавала расійскі ваенны аэрадром Ліпецк-2. Аб’ект знаходзіцца прыкладна за 350 км ад усходніх межаў Украіны. Пра атаку раніцай 15 лістапада паведаміў канал «Дасье шпіёна», які звязваюць з сілавікамі РФ, перадае Dialog.UA.

Паводле яго звестак, аэрадром выкарыстоўваецца 968-м даследча-інструктарскім змешаным авіяцыйным палком. Гэта на сёння вайсковая часць № 81819. Пад ударам быў камандна-дыспетчарскі пункт аэрадрома. Рэсурс сцвярджае, што абсталяванне пашкоджана нязначна. Аднак параненні атрымалі два афіцэры са складу тэхнічнай службы. Акрамя гэтага, сур’ёзна пашкоджаны знішчальнік-бамбавік «Су-34». У яго абломкамі пасечаны корпус. Таксама быў атакаваны ангар для рамонту тэхнікі.