Украіна перахапіла ініцыятыву на палове кірункаў фронту

• 15.11.2026, 15:38

Пералом у сітуацыі паказалі на карце.

Вайна РФ супраць Украіны ўступае ў пяты год (а калі лічыць з 2014 года — у трынаццаты). І 2026 год заўважна адрозніваецца ад папярэдніх. Зараз украінскія войскі валодаюць ініцыятывай прыкладна на палове лініі фронту, асабліва на ўчастках на поўнач і на поўдзень ад Данбаса — у раёне Лімана і Славянска, а таксама Вялікай Новасялкі.

Пра гэта піша аўтарытэтны ваенны аглядальнік, OSINT-эксперт Клеман Молен (Clément Molin).

Армія Расіі засяродзіла асноўныя намаганні ў цэнтральнай частцы Данецкай вобласці, найперш у баях за Дабраполле і Канстанцінаўку.

Іх мэта — у бліжэйшыя гады пачаць бітву за Краматорск, найбуйнейшы горад Данбаса, які дагэтуль застаецца пад кантролем Украіны.

Адначасова расійская армія безвынікова спрабуе наступаць у раёне Арэхіва — важнага абарончага рубяжа, які прыкрывае з поўдня буйны горад Запарожжа, дзе да вайны пражывала 800 тысяч чалавек, а таксама Куп’янска, які ўкраінскія войскі вызвалілі ў 2022 годзе.

Акрамя таго, расійскія сілы спрабуюць прасоўвацца ўздоўж мяжы ў Харкаўскай і Сумскай абласцях, аднак не маюць ніякіх поспехаў.

У значнай ступені такая змена звязаная з украінскімі контратакамі.