Украіна спыніла больш за 55% расійскіх нафтаперапрацоўчых магутнасцяў

• 15.11.2026, 23:25

Пра гэта паведаміў Зяленскі.

Прэзідэнт Украіны Уладзімір Зяленскі заявіў, што ў цэлым па стане на сённяшні дзень Сілы абароны спынілі 55% расійскіх нафтаперапрацоўчых магутнасцяў.

«Сёння быў даклад Міхаіла Драпатага, у прыватнасці, па ўкраінскіх далёкабійных санкцыях. Цяпер фактычна штодня ёсць нашы вынікі, і ў цэлым на сённяшні дзень мы спынілі ўжо больш за 55% расійскіх нафтаперапрацоўчых магутнасцяў. Гэта цалкам справядлівы наш адказ на адмову Расіі ад дэскалацыі і на іх удары па нашай энергетыцы», — заявіў Зяленскі падчас вячэрняга відэазвароту.